"Psst!
Cucì, oh! Matte', veni 'ccà!".
"Chi è,
chi bbuai?!"
"Araaaciu,
zittuti e 'un ti fari sientiri! Veni 'ccà ca' t'e parrari".
"Chi è,
chi succiriu? 'Un' 'n'u viri ca' era 'a caccia?"
"A
caccia? Ma cu, tu? E 'ri fimmini, macari? Ma bba' lievati, Matte', ca' l'unica
gonnella ca' maniasti 'nna to' vita fu chidda 'ra merceria 'i to' matri".
"Sì
cuinnutu e sbirro, quanto mi 'nni vaiu..."
"Fiermati
ca' t'e cuntari, tu 'un sa' nienti. Chiddu ca' si viri 'nna 'stu paisi troppu
stranu è..."
"Ma chi
è, Iachi'? Parra, parra, chi fu?"
"Rissinu
ca' 'nna casa 'ru zzu' Tano,
'a radiu
'cci ficiru,
Se, se!
Chidda r'u 'Mpaistato, Pippinu,
'U
picciuattu ca' ficiru satari
'n' t'all'
aria, vicino 'o trienu.
Io era nicu
quannu succiriu,
Però 'u
buattu m'arricuairdo,
Picchì stava
docu vicino,
Mi scantai,
Trimai,
E mme' patri
mi rissi:
"Zittu,
zittu, va' ruarmi, Iachino.
Però 'dda
nuttata io 'un m'a puozzo scuirdari,
E qualchi
buota - Picchì 'un l'è diri? -, mi siento ancora trimari,
E ora chisti
'cci vonnu fari 'a radiu,
Se, se!
L'amici suoi, 'nna casa 'ru 'zzu Tano ".
"Ma
chi, ssu' fuaddi?! Chisti 'nn't'all'aria
pure satano! "
"Ma chi
t'e diri, Matte', 'u munnu è strano ".
"Però
io m'arricordu 'a Pippinu. Sugnu 'cchiù granni 'i tia, Matte ', m'arricuairdo. Bravu picciuattu. Certo, un poco sconclusionato c'era, eh. Però, muoriri 'i 'sta maniera... Zoccu
ficiru l'amici! Iddi 'u ficiru arristari
a Don Tano. E ora stannu 'dda. Pari ca' certuni 'a campari 'un ci piaci ".
"E tu
'un sai chiddu chi dissi l'amico suo, Salvo Vitale. Vinniru i giornalisti a intevvistarlo, e fa:
'Quando sono al gabinetto di casa Badalamenti mi immagino la faccia di Tano
Seduto dentro al water ".
"Chi?!?
Ma viero mi rici? Si 'cci fussi ancora 'u 'zzu Tano... ".
"Si
'cci fussi Pippinu! Viri chi fiedda 'i cairni ca' si manciassi ".
E manciatilla
'sta fiedda 'i cairni, Pippinu.
Elena Spina
