Uno va a lu museo che lu sapi che ci sono li quatri antichi ma in buono stato. Ogni tanto qualcuno cchiù malicumminateddu ci fanno l'arripizzata - come si dice dalle nostri parti, la quarara arriparata dura chiossà. E certi quatri, a volte per li surci, a volti per li camule, sunnu sfunnati. Non c'è di farisi maravigghia, una vugghia e un pocu di cuttuni e si cuci.
Lu problema sorgi quando invece uno fa sfreggio a lu travagghiu di tanti pittura ca si scannanu la vita pi fari un quatru bonu di potirisi appizzare ne lo salotto. Che quando arrivano gli ospiti, attipo i consuoggeri che portano l'anello di zitamento e lu mazzu e uno ci fa truvare li durcini di mandorli e lu vomitivo nta li bicchiereddi, iddi - li consuoggeri - che taliano la casa per farici la stima di la ricchizza di la famigghia, taliano il beddo quatro e dicono bona è sta figghia, bona per maritarisi, oppure, di contra, dicono chista non è figghia per nuatri, non havi nemmeno un quatro che si potesse taliare, pigghiamunni l'aneddu, lu mazzu e turnamuninni a la casa ca ccà pirdemu sulu tempu. Che allora uno arriccogghi i picciuli e u quatro se lo accatta.
Se uno ci facesse attrovare, a li consuoggeri, un quatro di chisto che si chiama Funtana, lu matrimonio si potesse dire bellu e satatu, che uno pigghia lu corredo arricugghiutu con anni e anni di sparagni e lo jecca a l'agnuni.
Dicissi io, ddoppu che ci mettinu tanto mestieri per pigghiari la tila, per mettirici lu tilaio, per farla di culuri bianco, arriva lu Fontana e la tagghia. Vastasu. Irrispittusu. Ervazza tinta e spinusa e affucacavaddi.
Ma ca lu cretinu esisti è cosa risaputa, chiddi pericolosi sunnu li scimiuna che ci vanno appressu. E tanto dissiru e tanto ficiru ca la tela sfardata ora si trova a li musei di tutto lu munnu. Mischine le figghie di li patruna di li musei: per mmia marito non ne attrovano, pi maritari le figghie ci vonnu li quatri boni, o quanto menu sani.
GD
